Түркістаннан Нұр-Сұлтан қаласына ауыл шаруашылығы өнімдері жол тартты

Oinet.kz 02-09-2020 771

Түркістан облысынан Нұр-Сұлтан қаласына ауыл шаруашылық өнімдерінің керуені жол тартты. Өңіріміздің шаруалары алдағы сенбі-жексенбі күндері аралығында  «Хан-Шатыр» сауда ойын-сауық орталығының жанында азық-түлік жәрмеңкесін өткізеді.

image.png

Облыс әкімдігінің мұрындық болуымен өткізілген жәрмеңкеге 447,2 тонна ауыл шаруашылығы өнімдері жөнелтілді. Атап айтқанда, азық-түлік тиелген 34 жүк көлігінде 267,7 тонна көкөніс, бақша, картоп, 29,5 тонна жеміс-жидектер, 72 тонна ет және ет өнімдері, 47,5 тонна сүт өнімдері, 10 тонна балық, 6 тонна әсел, 14,5 тонна жеміс шырыны мен консерві өнімдері бар. Бұл тауарлар елордалықтарға нарықтық бағадан 15-20 пайызға төмен бағада сатылатын болады. Мәселен, негізгі өнімдер ретінде сиыр етінің келісі 1700-1800 теңге, қауын-қарбыз 75-100 теңге, көкөніс өнімдерінің бағасы 100-150 теңге болып бекітілген.

image.png

Биылғы жылы агроқұрылымдарға барынша мемлекеттік қолдау көрсетілді. Атап айтқанда: нарықтағы бағамен салыстырғанда 20 теңгеге арзандатылған бағамен көктемгі дала жұмыстарын жүргізуге 37,0 мың тонна, күзгі дала жұмыстарын жүргізуге 39,2 мың тонна жанармай бөлінді.

image.png

Облыстың табиғи климаттық ерекшелігіне орай, ерте пісетін бақша, көкөніс, картоп өнімдерін жинау қарқынды түрде жүргізілуде. Алдын ала жасалынған есеп бойынша биыл 2,8 млн. тонна көкөніс, бақша, картоп өнімдерін жинау күтіліп отыр. Бүгінгі күнге 2,4 млн. тонна жиналды. 

image.png

Айта кетейік, осы азы-түлік тауарларының бағасын негізсіз көтермеу және шаруаларға қолдау көрсету мақсатында Мемлекет Басшысының тапсырмасымен «Егіс алаңынан – сауда қатарына дейін» пилоттық жобасы басталды. Жобаны жүзеге асыру үшін Үкімет резервінен 1 млрд. теңге қаржы бөлінді. 

Түркістан облысының Өңірлік коммуникациялар қызметі

Тоқаевтың жолдауында ұйықтап қалған шенеунік шын мәнінде кім?
2023 жылы жалпы қуаты 50 МВт болатын 2 жоба іске асырылады
Сәйкес тақырыптар
Көтерілу