Анасы көшеде қалдырып кеткен бес айлық сәби оқиғасы: Комиссия шешім шығарды

Oinet.kz 16-09-2022 760

Ақтөбеде баласын көшедегі орындықта қалдырып кеткен жас анаға қатаң ескерту жасалды, деп хабарлайды Oinet.kz тілшісі ІІМ баспасөз қызметіне сілтеме жасап.

Screenshot_2.jpg

Кәмелетке толмағандар ісі жөніндегі комиссия шешімі бойынша бес айлық баласын көшеде қалдырып кеткен әйелге қатаң ескерту жасалды.

«Егер әйел ескертуді бұзатын болса, оны ата-ана құқығынан айыруы мүмкін», - делінген комиссия шешімінде.

Еске салсақ, тамыз айында Ақтөбе қаласында полиция бөліміне тұрғындардың бірі анасы көшеде қалдырып кеткен бес айлық баланы алып келген. Бала 8 наурыз көшесіндегі көпқабатты үйлердің қасындағы орындықта жылап жатқан. Куәгердің айтуынша, сәбидің анасы мас күйде белгісіз бағытқа кетіп қалған.

Бір сағаттай уақыт өткен соң полицияға 25 жастағы анасы телефон шалып, баласының жоғалып кеткенін айтқан. Полицейлер анасын тауып, алкогольдік ішімдік ішкенін тексеріп, тұрмысы нашар отбасы ретінде есепке алды.

Инспекторлар әйелдің тәртібін қала әкімдігі жанындағы кәмелетке толмағандардың құқығын қорғау жөніндегі комиссия отырысында қарауға құжаттар жинақтаған болатын.

«Диверсия белгілері анықталған жоқ» - Қостанай облыстық прокуратурасы
Нұрсұлтан Назарбаев елорданың бас мешітіне жұма намазға барды
Сәйкес тақырыптар
Көтерілу