Нығматулин екіқабат әйелден де жай қимылдайтын Білім министрлігін қатаң сынға алды

Screenshot_3.jpg

Бүгін Мәжілістің жалпы отырысында төраға Нұрлан Нығматулин Елбасының берген тапсырмасын уақытында орындамаған білім және ғылым министрлігіне шүйлікті деп хабарлайды Baq.kz.

Мәжілістің жалпы отырысында "2019-2021 жылдарға арналған республикалық бюджет туралы" заң жобасына өзгертулер мен толықтырулар талқыланды. Отырыста депуттардың бірі колледждер мен университеттерді ең танымал мамандықтар бойынша модернизациялауға және оқытудың халықаралық тәжірибесін енгізуге бағытталған "Жас маман" жобасының іске асуына байланысты қызығушылық танытты.  

Бұл жобаға бөлінетін қаражатты азайтуды жоспарланған екен, өйткені оны жүзеге асыру тәртібін анықтайтын ережелер уақытылы бекітілмеген.

"Әріптестер, бәріміздің есімізде шығар 23 қаңтарда Елбасы жастар жылын салтанатты түрде ашты. Нұрсұлтан Назарбаев үкіметке "100/200" қағидаты негізінде "Жас маман" бағдарламасын қабылдауды тапсырған болатын. Қаңтардан бері 9 ай өтті. Білім және ғылым министрлігі әлі жұмысқа кіріскен жоқ. Мұның себебі тіпті күлкілі. Былайша айтқанда "банальная волокита", - дейді Нығматулин.

Ол қолындағы анықтаманы оқып берді. Спикердің айтуынша, Елбасы халықтың алдында 23 қаңтарда тапсырма береді, ал үкімет қаулыны арада 4 ай өткенде яғни 31 мамырда ғана қабылдаған. 

"Сондағы қаулы 1,5 беттік қағаз. Соны 4 ай бойы жазып шығыпты. Арада бір жарым ай өткенде министрлік ережесін бекітті. Сосын тағы 2 ай өткенде үш министрлікпен келісімге келеді. Әйтеуір қыркүйекте әділет министрлігі бұл бұйрықты тіркеген", - дейді ол. 

Мәжіліс төрағасы 9 айдан бері Елбасының тапсырмасын орындай алмай жүрген үкімет пен министрлікті қатты сынады.

"Бір құжатты қабылдау үшін 9 айға жуық уақыт өтті. Мұндай уақытта әйелдер босанып, баласын да туып үлгереді. Ал сіз болсаңыз бір бұйрықты "родить" не можете. Бұл еліміздегі бюрократияның жарқын үлгісі деп айта аламын. Осындай жастарды қызығушылығын оятқан маңызды бағдарламаны созып жүрсіздер. "Жастар жылы" аяқталып келеді, ал сіздер енді оянып жатырсыздар", - Нұрлан Нығматулин.

Мүмкін сізді қызықтыратын тақырыптар:

  • Түркістан: Мемлекеттік мекемелерде адалдық құндылығы насихатталды
  • Елжан Біртанов екпе алмаған бүлдіршіндерді балабақшаға қабылдауға тыйым салуды ұсынды
  • Ресейде іздеу жариялаған қылмыскер Ақмола облысынан ұсталды
  • Конор келесі жекпе-жекті кіммен өткізетінін айтты
  • Жетімдерге жеңілдік қарастырылуда
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика