Қытайлықтар мен қазақ жігіттерінің арасындағы төбелес туралы тың мәлімет шықты

image.png

Талдықорғандағы Citic Construction ЖШС-нің жұмысшылары шетелдіктер мен жергілікті тұрғындарға тең еңбек жағдайы жасалмағанын алға тартып, әлеуметтік желіге видеоүндеу жолдады, деп хабарлады OINET.KZ сайтының тілшісі sputniknews.kz сайтына сілтеме жасап.

Кәсіпорын "Алматы - Өскемен" автокөлік жолы учаскесінің құрылысымен айналысады. Жұмысшылар Қытайдың үш азаматы этникалық қазақты соққыға жыққанын айтқан. 

Оқиға орнына облыстық полиция департаментінің басшысы бастаған топ жетті. Тәртіп сақшылары тараптармен кездесіп, қажетті тексеріс жүргізді.

Полиция таратқан ақпаратқа сәйкес, Citic Construction-ның төрт қызметкері (бәрі Қытай азаматы) арасындағы жанжал жұмысқа байланысты туындаған. Олардың бірі – этникалық қазақ жеңіл дене жарақатын алды.

Кінәлілер Әкімшілік құқық бұзушылық туралы кодекстің 73-1 бабы ("денсаулыққа қасақана жеңіл зиян келтіру") бойынша әкімшілік жауапқа тартылды.

Ведомстводағылар жергілікті тұрғындар оқиғаның байыбына бармай, келесі күні өндіріс нысанындағы шетелдіктерді соққыға жыққанын айтты. Қытайдың төрт азаматы ауруханаға жеткізілді.

"Бұл факті бойынша ҚР қылмыстық кодексінің 293-баптың 3-бөлігі ("Бұзақылық") , 107-баптың 2-бөлігі("денсаулыққа қасақана ауырлығы орташа зиян келтіру")  және 106-бабы 2-бөлігі ("денсаулыққа қасақана ауыр зиян келтіру") бойынша сотқа дейінгі тергеу жүріп жатыр. Күдіктілер анықталып, ұсталды", - деді Алматы облысы полициясының баспасөз қызметі.

Сондай-ақ 33 шетелдік жұмысшыны тексеру кезінде көші-қон заңнамасы талаптарының бұзылғаны анықталды. Олар жауапқа тартылды. Шетелдіктерді депортациялау мәселесі шешіліп жатыр.

Полиция Алматы және Алматы облысында тіркелген бірқатар заңды тұлғаға қатысты Қылмыстық кодекстің 394-бабы ("заңсыз көші-қон ұйымдастыру")сотқа дейінгі тексеріс басталғанын хабарлады. Оқиғаны ішкі істер министрі өз бақылауына алды.

image.png

Мүмкін сізді қызықтыратын тақырыптар:

  • Түркістанда «Ұлағатты ұрпақ» жобасының алғашқы кездесуі өтті
  • Дәрігер жан-жақты болу керек
  • Шымкентте аллергияны қайда емдейміз?
  • Маңғыстауда 120 отбасы баспаналы болды
  • «Берекелі баспана» бағдарламасымен жалдамалы пәтер алуға өтінім басталады
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика