Шымкент қаласындағы бірқатар мәдениет және білім мекемелерінің атауы өзгеретін болды. Қалалық әкімдіктің сайтында осыған қатысты үкімет қаулысының жобасы жарияланды деп хабарлайды Oinet.kz тілшісі. 

Онда былай делінген:

- Шымкент қаласының білім басқармасының «№ 72 жалпы орта білім беретін мектебі» коммуналдық мемлекеттік мекемесіне Сағадат Нұрмағамбетовтың есімі берілсін. Шымкент қаласы мәдениет, тілдерді дамыту және архивтер басқармасының «Отырар» қалалық ғылыми-әмбебап кітапханасы» коммуналдық мемлекеттік мекемесі Шымкент қаласының мәдениет, тілдерді дамыту және архивтер басқармасының «Әл-Фараби атындағы қалалық ғылыми-әмбебап кітапханасы» коммуналдық мемлекеттік мекемесі; Шымкент қаласының білім басқармасының «Хамза атындағы №53 жалпы орта білім беретін мектебі» коммуналдық мемлекеттік мекемесі Шымкент қаласының білім басқармасының «Сабыр Рақымов атындағы №53 жалпы орта білім беретін мектебі» коммуналдық мемлекеттік мекемесі болып қайта аталсын.

Айта кетері, құжаттың әзірге жоба екендігі көрсетілген.