Абай Құнанбайұлы. Малға достың мұңы жоқ малдан басқа

Oinet.kz 28-08-2019

kofe-zefirki-kniga.jpg

Малға достың мұңы жоқ малдан басқа,

Аларында шара жоқ алдамасқа.

Табысына табынып, қалтаң қағып,

Тойғанынан қалғанын берсе алашқа.


Мал жияды мақтанын білдірмекке,

Көзге шұқып, малменен күйдірмекке.

Өзі шошқа, өзгені ит деп ойлар,

Сорпа сумен, сүйекпен сүйдірмекке.


Ақылды деп, арлы деп, ақпейіл деп

Мақтамайды ешкімді бұл күнде көп.

Осы күнде мал қайда, боқ ішінде,

Алтын алсаң, береді боғынан жеп.


Осыны оқып, ойлай бер, болсаң зерек.

Еңбекті сат, ар сатып неге керек?

Үш ақ нәрсе адамның қасиеті:

Ыстық қайрат, нұрлы ақыл, жылы жүрек.

Абай Құнанбайұлы. Жүрек — теңіз, қызықтың бәрі — асыл тас
Сәбит Мұқанов өмірі мен шығармашылығы


Сәйкес тақырыптар
Көтерілу
×