Немерелер думан етер үйіңді. Өлең

Oinet.kz 10-01-2020

Немере үйге жиылды,

Үлкені тұрып бұйырды.

Кішкентайларды жылатпай,

Үй жинаңдар деп түйілді.


Балалар мұны тыңдай ма,

Бірікпес басы мұндайда.

Бір-бірін қуып шулайды,

Тигенше таяқ маңдайға.


Не болса, соған таласар,

Ұрып-соғып жылатар.

Тартып ап, қайта береді,

Сонысымен жарасар.


Далаға шығып доп тебер,

Өзінікін жөн көрер.

Келісе алмай таласып,

Сол нәрсеге өкпелер.

Серік Дербісбаев

Арман туралы өлең
Мұң туралы өлең
Сәйкес тақырыптар
Көтерілу