Астанада бөлім басшысы 414 млн теңге бюджет қаражатын заңсыз аударған

20170710015053002_big.jpg

Астана қаласының көлік және жол-көлік инфрақұрылымын дамыту мемлекеттік мекемесінің бөлім басшысы басқарма басшысының ЭЦҚ-сын пайдаланып, мердігер мекеменің шотына 414 млн теңгені заңсыз аударған. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі Жанна Бастарова мәлімдеді.

«Сыбайлас жемқорлыққа қарсы іс-қимыл Ұлттық бюросының елордалық департаментімен лауазымдық өкілеттіктерді асыра пайдалану фактісі бойынша Астана қаласының көлік және жол-көлік инфрақұрылымын дамыту мемлекеттік мекемесінің бөлім басшысына қатысты қылмыстық іс тергеліп жатыр. Ол басқарма басшысының келісімінсіз оның электрондық сандық қолтаңбасын (ЭЦҚ) пайдалану арқылы тұрғын алаптарының сыртқы инженерлік желлілер құрылысы үшін мердігер мекеменің шотына 414 млн теңге сомасындағы бюджет қаражатын заңсыз аударғаны үшін күдікті деп танылауда», - деді Жанна Бастарова.

Агенттіктің ресми өкілі департаменттің өтінішхаты негізінде сотпен аталған ақша қаражатына тыйым салынғанын айтты.

«Сотқа дейінгі тергеу аяқталған соң «Астана банкі» АҚ тарату комиссиясына аталған 414 млн теңге ақша қаражатын басқарманың шотына қайтару жөнінде хат жолдау жоспарланып отыр. Тергеу жалғасуда», - деді ол.

Бұған дейін Ұйғыр ауданы әкімінің орынбасары пара алды деген күдікке ілінгенін хабарлағанбыз.

Мүмкін сізді қызықтыратын тақырыптар:

  • Қазақстан «ресурстық қарғыстан» қалай құтылады?
  • Приватизация ма әлде «прихватизация» ма?
  • Ақша жайлы ырымдар
  • Жансейіт Түймебаев 100 күнде не тындырды?
  • Жеңілдетілген несие кімдерге беріледі?
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика