Мадина Сәдуақасова ел күтпеген мәлімдеме жасап, көпшіліктің ашуына тиді. Шоу-бизнес жұлдызының желіде тарап кеткен видеосы қалың жұртшылықпен қоса, өнердегі әпкелерінің де наразылығын тудырған, деп жазады Youtube желісіндегі Shownewskz бағдарламасына сілтеме жасаған Oinet.kz сайты.

Сәдуақасова әртістердің тек ақша бар жерде ғана жүретінін айтып, елді шулатқан. Әншінің бұл сөздері жұртқа жақпай қалып, ол үлкен сынға ұшырады.

Аңдамай сөйлеген өнер иесін шоу-бизнестің өзге өкілдері де сынап тастаған. 

"Ақшасыз жерге де барамыз. Тек қана ақша бар жерге бармайсың ғой. Елдің бәрін де ақша жоқ қой. Ақша жоқтарға тіпті тегін концерт беріп кетеміз" , - деп ағынан жарылды Мақпал Жүнісова. 

"Мадинаның айтқаны енді, әркімнің өзінің пікірі бар. Қанша ақша табам десе де, Алла берекесін бермесе ешкім байып кетпейді", - деді Роза Әлқожа.