Шымкентте қатерлі ісікке шалдыққан науқастар дәрі-дәрмекке зәру

Oinet.kz 15-10-2019 848

Картинки по запросу дәрі дәрмек

Шымкентте қатерлі ісік ауруына шалдыққан науқастар қажетті дәрі-дәрмекке қол жеткізе алмай отыр, деп хабарлайды OINET.KZ сайтының тілшісі 24.kz сайтына сілтіме жасап.

Онкологиялық ауруханада дәрінің 8 түрі жеткіліксіз болып отыр. Қалалық денсаулық сақтау басқармасы да бұл мәселені жоққа шығармады. Препараттың жетіспеушілігін олар науқастар санының артуымен түсіндіреді. Мәселен өткен 2018 жылы шаһардың 787 тұрғынында қатерлі ісік ауруы анықталса, биыл 864 науқасқа осындай диагноз қойылған.

Сондай-ақ дәрі-дәрмекті жеткізу жағынан да кідіріс болған. «Себебі қазіргі уақытта кейбір препараттар сертификаттаудан өтуде», - дейді ақ халаттылар. Жағдайдың ушығуына жол бермеу үшін «СК Фармация» компаниясы дәрі-дәрмектерді Шымкентке Шығыс Қазақстан облысы мен Нұр-Сұлтан қаласынан алдыруға шешім қабылдапты. Бұл туралы қалалық денсаулық сақтау басқармасының өкілдері мәлімдеді.

Жылдан жылға скринингтің арқасында жаңа топ жаңа адамдар анықталып жатыр. Барлығына бірден жылдың басында жоспарлау мүмкін емес. Мысалға 50-60 науқасқа жоспарлаған дәрі-дәрмектер осы жылдың аяғына дейін саны 80-ге дейін жетеді. Сонда 30-35 адам артық болады.

Ауыл шаруашылығы жануарларын Қазақстан аумағынан шығаруға тыйым салынды
Шымкентте сыбайлас жемқорлыққа қарсы іс-қимыл мәселелері бойынша дебат өтті
Сәйкес тақырыптар
Көтерілу