Белгілі отандық жазушы Дулат Исабеков ғажайып даусымен күллі әлемді таңғалдырып келе жатқан Димаш Құдайбергенге ағалық кеңесін берді. Ол қазақстандық тума талантқа орыс әндерін орындағанша, дүниежүзіне қазақ тіліндегі өлеңдерді таныту керектігін айтты деп жазады "Ел аузында" бағдарламасы.

Танымал жазушы тіпті Димашпен кездесіп, оның даусына сай келетін әндерді таңдап беруге дайын екенін жеткізді.

"Димашқа да бір жолығып, сөйлескім келеді. Қазақ әндерін қалай таңдап алу керек. Оның даусына сәйкес өлеңдерді айтып берер едім.Сол әндерді әлемге таныта білу керек. Орыстың, Крутойдың әнін бәрін айтқан жақсы. Солар арқлы әлемге танылған жақсы. Ал, бірақ танылып алғаннан кейін сен өз еліңнің әнін таныт енді" , - деді Исабеков.