Қазақстанда құны 3 миллион теңге тұратын көлік жасап шығару жоспарлануда. Бұл туралы Қазақстан автобизнес қауымдастығының президенті Андрей Лаврентьев "Хабар 24" арнасына берген сұхбатында айтты, деп хабарлайды zakon.kz порталына сілтеме берген Oinet.kz.

– Үкіметпен жасалған келіссөз және тапсырмаларға сәйкес, автосалондағы құны 3 миллион теңгеден аспайтын эконом әрі арзан көлік шығару жөнінде жаңа тапсырма бар. Қосымша несиелендіру, лизингтік бағдарламалар жасалады. Біз 3 миллион теңгеден аспайтын көлік моделін таптық, – деген Андрей Лаврентьев.

Қазақстанда қазір бірнеше көлік түрлері құрастырылады. Лаврентьевтің айтуынша, көлік өндірісінің өсімін жылына 100 мың машина шығаратындай дәрежеге жеткізуге болады.