Денсаулық сақтау вице-министрі Ажар Ғиният брифинг барысында Қазақстанда COVID-19 жұқтырған мемлекеттік қызметшіні ауруханаға жатқызу тәртібі бар ма деген сұраққа жауап берді, деп хабарлайды Oinet.kz тілшісі.

- Елімізде шенеуніктерді ауруханада жатқызудың ерекше тәртібі жоқ. Барлық мемлекеттік қызметші, саяси және әкімшілік қызметкерлер жағдайының ауырлығы бойынша жұқпалы аурулар стационарларында ем алады. Жеңіл және орташа ауыр науқастар үйде ем алады. Ведомствалық ауруханаларда инфекциялық ауруларды емдеу қарастырылмаған, олардың мұндай қызметке лицензиясы жоқ, сондықтан мемлекеттік қызметкерлерге көмек жалпы негізде көрсетіледі, - деді ол