«Кінәсіздігімді дәлелдеу үшін бәрін жасаймын» - қамауға алынған шенеунік

Oinet.kz 23-09-2020

Атырау облысы әкімінің бірінші орынбасары Нұрлан Таубаев сыбайлас жемқорлыққа қарсы қызметтің айыптауына байланысты пікір білдірді. Айыпталушы сөзін оның адвокаты Facebook желісіндегі парақшасында жариялады.

Кінәсіз екенімді дәделдеймін». Қамауға алынған Атырау облысы әкімінің  орынбасары үндеу жасады

– 10 қыркүйек күні сағат 15:00-де менің үйіме сыбайлас жемқорлыққа қарсы агенттіктің қызметкерлері келді. Сөйлесу үшін олармен бірге жүруді сұрады. Оқиға орнына барған кезде ғана ұсталғанымды айтты. "Не үшін? деген сұрағыма жауап ала алмадым, – деп жазған Таубаев.

Оның айтуынша, әлі күнге дейін нақты не үшін айыпталғанын, параның мөлшері қандай екенін және мұның бәрі қашан болғанын білмейді.

- "Келесі күні түстен кейін мені тағы да Антикоррупция ғимаратына алып келді. Онда тергеушінің "пара алуға оқталу түріндегі қылмыс жасау туралы" қаулысы ұсынылды. Бұған бір күн кетті. Адвокатымның пара алу әрекеті қашан және қандай мөлшерде жасалғандығы туралы сұрағына тергеуші жауап бермеді. Содан кейін мені тағы да уақытша тергеу изоляторына жіберді" - делінген жазбада.

Оның айтуынша, Атырау облысының экс-әкімі Нұрлан Ноғаев (қазір энергетика министрі) оны өзінің орынбасары лауазымына шақырған. Бастапқыда бәрі жақсы болғанымен, кейін оның ұстанымдарымен келіспеген. Соның салдарынан 2019 жылдың қыркүйегінде отставкаға кетуге өтініш берген. Ал 2020 жылдың мамыр айында Атырау облысының бірінші орынбасары ретінде шақырылған.

– Мен бұл қорқынышты арандатудың артында кім тұрғанын білемін. Біріншіден, менің кінәсіздігімді дәлелдеу үшін бәрін жасаймын. Екіншіден, мен оны ұйымдастырған адамдар әділ жазалануы үшін бәрін жасаймын. Мен Президентке дейін барамын, – деп жазды ұсталған шенеунік.

«Педагог өз ісімен айналысуы керек» - Асхат Аймағамбетов
Түркістан облысы кәсіпкерлер палатасы маңызды Меморандумға қол қойды
Сәйкес тақырыптар
Көтерілу
×