Атырау облысы Қызылқоға ауданында қабірлер қиратылды, деп хабарлайды Oinet.kz "Ақ Жайық" басылымына сілтеме жасап.

Қазіргі таңда, күдіктінің ұсталғаны хабарланып отыр. Ал, оқиғаның жәй жапсарын жергілікті полицейлер анықтап жатыр

Оқиға 27 қыркүйек күні болған. Белгісіз біреулер Мәтен қожаның және тағы 12 қабірді талқандады. Олар қасиетті жерлерге келетін жолаушыларға арналған үйді өртеген.

Қызылқоға ауданы әкімінің орынбасары Айдулат Кенжебеков аудан тұрғыны ұсталғанын хабарлады. Ол киелі жерге қарайтын қызметкердің туысы болып шықты.

- "Ауыл тұрғындары шошып отыр. Мұндай ешқашан болған емес", - деді аудан әкімінің орынбасары.

Оның айтуынша, оқиғаға не себеп болғаны анықталып жатыр.