Тұрғындарға жылыту маусымы кезіндегі қауіпсіздік шаралары түсіндірілді

Oinet.kz 26-11-2021 654

Жылыту маусымы кезінде қауіпсіздік шараларын сақтамау салдарынан халық газдан уланып, тұрғын-үй секторларында өрт орын алып жатады. 

image.png

Бүгін Түлкібас ауданында аталмыш оқиғаны болдырмау, алдын алу мақсатында аудан әкімдігі мен Төтенше жағдайлар бөлімінің ұйымдастыруымен халыққа түсіндіру жұмыстары жалғасын тапты.

Бұл жолы Төтенше жағдайлар бөлімінің жеке құрамы, аудан, округ әкімдігінің және «КазТрансГаз Аймақ» ЖШС мамандыры мен ерікті жастар Мичурин ауылдық округінің орталығы Майтөбе ауылындағы үйлерді аралап, әр үйдің иесіне түсіндіру жұмыстарын жүргізді.

Шара барысында қауіпсіздік шаралары көрсетілген арнайы жадыннама парақшалары 950 үйге таратылды.

Бүгінде аудан аумағындағы елді мекендерде 22 мыңнан астам үй болса, соның 12 мың 900 араланып, түсіндіру жұмыстары жүргізілген. Бұл бағыттағы жұмыстар алдағы уақытта жалғасын табады.

Сондай ақ, аудан аумағындағы көліктерге газ құю бекеттері арнайы мамандармен араланып, операторларына қауіпсіздік шаралары түсіндірілді.

Түлкібас ауданы әкімдігінің баспасөз қызметі

Жомарт жандар интернат тәрбиеленушілерін қыстық киіммен қамтамасыз етті
Тоқаев Еуропалық комиссияның президентімен келіссөз жүргізді
Сәйкес тақырыптар
Көтерілу