Мұқағали Мақатаев. «Суық күз сұрғылт...»

Oinet.kz 09-01-2020

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Суық күз сұрғылт,

Сұрланып аспан,-күн жауған.

Күн жауған шақта қайтатын едік қьірманнан.

Көтеріп алып,

Өтетін едік сулардан,

Қызғалдақ-қызды жаңадан ғана бүр жарған.

Бүр жарған жері,

Бұлтиып қана батқанда,

Мойнымызды қолаң шашымеы жапқанда.

Оттықтан ұшқын шашырап кетіп ақ қауға,

Өртенуші едік,

Өртеген сол бір шақтарда.

Қылша мойынды

Қытықтап қыздың білегі,

Тыңдайтын еді жүрегіңді кеп жүрегі.

Қыздын, күлкісі,

Судың сылдыры, гүл, егін,

Келмеске кеткен күндерім түске кіреді.

Ғұмыры бірге,

Тағдыры бірге, бірге арман,

Қайда кеттіңдер,

Қызғалдақтар-ау, бүр жарған?!

Жалғыз аттанып бара жатырмын қырманнан,

Расында да, жалған екен-ау,

Бұл жалған...

Мұқағали Мақатаев. «Сонда да біз...»
Мұқағали Мақатаев. «Қазынам бар»
Сәйкес тақырыптар
Көтерілу