Мұқағали Мақатаев. «Сынық қанат шағалам»

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Теңіздің тіліп айдынын,

Кемелер кетіп барады,

Желкенді менің қайығым,

Жалт беріп бірде қалады.

Қайығым - менің уайымым,

Барады тастап жағаны,

Кемелер - алып киттейін,

Опырды, бәрін жапырды.

Шағалам, менің титтейім,

Қанатын суға матырды.

Қанатын суға матырып,

Қайтадан көкке атылды,

Бар күшін жиып ақырғы.

He таптың сол бір арадан,

Қарасаң етті шамаңа.

Сынық та қанат шағалам,

Отырсаң етті жағада.

Айрылып ерік, шамадан,

Ілгері, кейін бара алмай,

Қалды да қойды шағалам,

Теңізге тіккен жалаудай.

Мүмкін сізді қызықтыратын тақырыптар:

  • Кей бастық, Өлең
  • Жақсы мен жаман. Өлең
  • Досты сынау. Өлең
  • Қуыс кеуде. Өлең
  • Бөбегім. Өлең
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика