Батыс елдерінде қызыл және ақ жолақты бағандар шаштараздың белгісін білдіреді. Бұл символ сонау XIV ғасырдан бері қалыптасып қалған. Сол заманда шаштараздар хирургтің де рөлін атқарған.

Көп жағдайда шаштаразға жаралы болған жауынгерлер жүгінген. Шаш мамандары тек денеге кірген оқ, жебелерді шығарып отырған. Жараның бетіне инфекция түспес үшін шарап жаққан. Англияда мұндай шаштаразда тіпті мәйітті кесуге де рұқсат берілген екен. Шаштараздар ақ дәкеге науқастың қанын жағып сыртқа іліп қоятын болған. Қызыл ақ жолақты белгі  содан қалған.