Жол қозғалысы қауіпсіздігін қамтамасыз ету – қаладағы қоғамдық тәртіп пен тұрғындардың өмірін қорғауға бағытталған басым міндеттердің бірі. Көлік санының артуы, урбанизацияның қарқын алуы және жол инфрақұрылымына түсетін жүктеменің өсуі жол қозғалысын басқаруда заманауи тәсілдерді қолдануды талап етеді. Осыған байланысты Шымкент қаласында жол-көлік оқиғаларының алдын алу, жүргізушілер мен жаяу жүргіншілердің жауапкершілігін арттыру, сондай-ақ жол қозғалысын реттеудің жаңа тетіктерін енгізу бағытында жүйелі жұмыстар қолға алынуда.

    Шымкент қаласы әкімінің орынбасары Берік Серікұлы Беркімбаевтың төрағалығымен Жол қауіпсіздігін қамтамасыз ету мәселелері жөніндегі жұмыс топтың отырысы өткізілді. Аталған отырысқа құқық қорғау органдары мен аумақтық департамент басшылары, жергілікті атқарушы және өкілді органдардың жауаптылары, сондай-ақ тасымалдау ұйымдарының бірінші басшылары қатысты. Аталған жиын қаладағы жол қауіпсіздігін арттыру және апаттар санын азайту мақсатында өткізілді.

Отырысқа қатысушылар жол қозғалысы қауіпсіздігін қамтамасыз ету бойынша атқарылып жатқан жұмыстарды жан-жақты талқылады. Сондай-ақ, тасымалдау ұйымдарының жетекшілері де өз ұсыныстарын жеткізді. Жиында қатысушылар жол жүру ережелерін қатаң сақтау, жолдардағы апаттардың алдын алу шараларын күшейту және жол қозғалысын реттеу бойынша бірлескен іс-шараларды іске асыру қажеттілігін атап өтті. Сонымен қатар, жол қауіпсіздігін қамтамасыз ету үшін арнайы бекітілген жоспарлар мен бағдарламалар жүзеге асырылуда. Отырыста алдағы жоспарлар мен міндеттер нақтылап алынды.

Басқосуда айтылған мәселелердің бірі — жол қозғалысы қауіпсіздігін арттыру үшін техникалық бақылау мен бақылау пункттерін жетілдіру, жол белгілерін жаңарту және жол қозғалысы қатысушылары арасында түсіністік пен жауапкершілікті арттыру болды.

Шымкент қаласы әкімінің орынбасары Берік Серікұлы Беркімбаев жиын соңында жол қауіпсіздігін қамтамасыз ету — барлығымыздың негізгі міндеттерінің бірі екенін атап өтіп, барлық қатысушыларға бірлескен күш-жігермен қауіпсіздік шараларын күшейтуді тапсырды.

Осы арқылы қалада жол қауіпсіздігін арттыру мен азаматтардың өмірі мен мүлкін қорғау бағытында жүйелі жұмыстар жүргізілетін болады.

Күн тәртібінде қоғамдық көлік тасымалдаушылары тарапынан жол қауіпсіздік ережелерін сақтау мәселесі және жол инфрақұрылымын жақсартудың ағымдағы жай-күйі, сондай-ақ жол қауіпсіздігін ұйымдастыру мәселесінде бейнебақылау жүйелерінің тиімділігін арттыру шаралары қаралды. Қала әкімінің орынбасары жол қауіпсіздігі мәселесінде қоғамдық көлік жүргізушілері тарапынан орын алып жатқан бұзушылықтарды қатаң сынап, оларды жою бойынша жедел шаралар қабылдауды тапсырды. Сонымен қатар, жол қауіпсіздігі мәселесінде бірлесіп жұмыс атқаруды және ведомствоаралық іс-қимылды күшейту қажеттігін атап өтті.

Отырыс нәтижесі бойынша тиісті шешім жобалары пысықталып, оларды іске асыру жөнінде ортақ шешімдер дайындауға қол жеткізілді.

Жол қозғалысы қауіпсіздігін қамтамасыз ету — тек мемлекеттік органдардың ғана емес, әрбір жол қозғалысына қатысушының ортақ жауапкершілігі. Инфрақұрылымды жаңарту, цифрлық технологияларды енгізу, полиция жұмысының тиімділігін арттыру және тұрғындардың құқықтық мәдениетін көтеру қаладағы жол қауіпсіздігін жаңа деңгейге көтеруге мүмкіндік береді.