Түркістанда бизнес-ханымдар біліктіліктерін арттырды

Screenshot_3.jpg

Түркістанда Азия Даму Банкінің қолдауымен Қазақстан Республикасы Ұлттық кәсіпкерлер палатасының «Атамекен» іскер әйелдер кеңесінің ұйымдастыруымен әйел кәсіпкерлерге арналған семинар өтті деп хабарлайды қалалық "Түркістан" газеті. 

«Ауыл-аймақта әйелдер кәсіпкерлігін дамыту» тақырыбы бойынша өткізілген семинарға Түркістан, Кентау, Арыс қаласының 50-ге жуық іскер нәзік жандылары қатысты. Шарада Түркістан облысы кәсіпкерлер палатасы менеджер-кеңесшілері, «Даму» кәсіпкерлікті дамыту қоры, екінші деңгейлі банктердің микроқаржы ұйымдарының өкілдері кәсіпкер әйелдерге ауылдағы бизнесті қолдау бағдарламалары туралы айтып, өзекті мәселелерді талқылады.

Екі күндік семинар барысында кәсіпкер әйелдер іскерлік дағдыларын үйреніп, кәсіпкерліктің құқықтық және қаржылық мәселелерін зерттеуді, жеке брендингтің бизнес жоспарларын дұрыс құруды, әлеуетті клиенттерді табуды, жарнама құруды және Интернет арқылы бизнесті жылжытуды үйренді. Сондай-ақ, қатысушыларға қаржылық сауаттылық және жеке басының өсуі туралы айтылып, әйелдер бизнесті дамыту үшін әр түрлі қаржылық қолдау шараларымен танысты.

Тренер Қызылорда облысының Іскер әйелдер кеңесінің төрағасы, «Keysource Kazakhstan» ЖШС оқу орталығының құрылтайшысы Жанна Аманова болды. Ол түркістандық әйелдерге бизнестегі өзгерістер туралы, бизнесті қалай ашуға болатындығы және тез табыс табу жолдарын айтты. «Әр кәсіпкер көшбасшы, ол алдымен шешім қабылдап, ол үшін жауап беруі керек. Кез келген адамның, кез-келген әйелдің ең басты ісі бұл қоғамға пайда әкелу. Бұл өте маңызды. Қаладан, ауылдан келген әйелдер осы семинардан білімдерін жаңартып, өздеріне сенімділігі артады деген сенімдемін», – деді ол.

Сонымен қатар, Түркістан облысы Кәсіпкерлер палатасының кеңесші-менеджері Жанполай Бердібай қатысушыларға кәсіпкер әйелдер пайдалана алатын қолданыстағы бағдарламалармен таныстырды. Сондай-ақ, кәсіпкер әйелдерге «Бастау», «Жас Кәсіпкер», «Іскерлік байланыстар»  және «Бизнес кеңесші» сынды  пайдалы жобалар бойынша кәсіпкерлік негіздерін үйрене алатындығын атап өтті. Семинарға қатысушылардың көпшілігі бұл бағдарламалармен жақсы таныс екендіктерін алға тартты. Кездесу барысында “Даму” кәсіпкерлікті дамыту қорының менеджері Данагүл Зуфтарова кәсіпкерлікті қолдау бағдарламалары туралы толық ақпарат берді.Атап өтейік, Түркістан облысында 138 мың кәсіпкерлік субъектісі бар болса, оның 30 пайызы бизнес-ханымдардың жетекшілігінде.

Мүмкін сізді қызықтыратын тақырыптар:

  • Түркістанда алғаш рет сыбайлас жемқорлыққа қарсы халықаралық форум өтті
  • Түркістанда өткен «Музейге сый» акциясында тұрғындардан 40-қа тарта жәдігер тарту етілді
  • Рашид Аюпов: «Түркістандағы салынып жатқан жолдардың сапасы үнемі бақылауда болады»
  • Түркістандық баскетболшы қыздар топ жарды
  • Түркістанда көпқабатты үйлерде газды тұтыну ретке келтіріледі
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика