"Халықтың ашуын түсінуге болады. Кейбір адамдар шектен тыс байып кетеді": Тоқаев

Oinet.kz 16-06-2022

Ұлттық құрылтайдың алғашқы отырысында сөйлеген сөзінде президент Қасым-Жомарт Тоқаев жемқорлықтың зардабына тоқталды, деп хабарлайды Stan.kz ақпарат агенттігі.

Screenshot_10.jpg

"Біз сыбайлас жемқорлыққа қарсы белсенді күрес жүргізіп жатырмыз. Бұл – еліміз үшін өте өзекті, қажетті мәселе. Қазақстан жемқорлықпен күрестің негізгі көрсеткіштері бойынша айтарлықтай алға басты. Халықаралық рейтинг агенттіктері осылай деп бағалап отыр", - деді президент. 

Тоқаевтың пайымынша, мұнымен тоқмейілсіп отыруға болмайды.

"Өкінішке қарай, жемқорлық – жұрттың санасына сіңіп, әбден әдетке айналып кеткен. Бұл – ащы болса да, шындық”, – деді ол. 

Сондай-ақ ол кейбір адамдардың шектен тыс байып кететіні туралы айтты. 

"Азаматтарымыз саяси қолдауға ие болған кейбір адамдардың шектен тыс байып кететініне наразы. Оған қоса, олар байлықтарының қомақты бөлігін шетел асырып әкеткен. Халықтың ашуын түсінуге болады. Сондықтан, менің Жарлығыммен Арнаулы мекемеаралық комиссия құрылды. Комиссияның міндеті – шетелге заңсыз шығарылған қаржыны елге қайтару. Бұл – өте күрделі жұмыс, ұзаққа созылуы мүмкін. Себебі, көптеген заңдық процедурадан өту керек. Бірақ, біз қалай болса да, бұл мәселемен мұқият айналысуымыз қажет. Әйтпесе, әділетті қоғам туралы сөз қозғаудың өзі қиын болады", - деді Қасым-Жомарт Тоқаев.

Қазақстанда жаңа ұлттық мереке пайда болады
Ұлтжанды ақын Мұхтар Шахановқа "Қазақстанның Еңбек Ері" атағы берілді


Сәйкес тақырыптар
Көтерілу
×