Ауылға барғысы келмейтін студенттер Денсаулық сақтау министрімен соттасатындарын айтты

Screenshot_1.jpg

Фотода Денсаулық сақтау министрінің уәжімен келіспейтін студенттер

Денсаулық сақтау министрі Елжан Біртановтың қызметтен кетуін талап еткен студенттердің мәселесі одан сайын ушыға түсті, деп хабарлайды КТК арнасы сілтеме жасаған Oinet.kz.

Кеше министр Алматыға арнайы келіп, өзіне қарсы бейнеролик түсіргендермен бетпе-бет кездесті. Кездесу барысында министр резидентураның өзгерген тәртіптерін түсіндіріп, студенттер интернатурадан кейін міндетті түрде ауылдық емханаларда үш жыл еңбектенуі тиіс екендігін айтты:

«Сіздер институтты жалпы тәжірибелік дәрігер дипломымен бітіретіндеріңізді білдіңіздер. Дәрігер боп жұмыс істеуге дайын болдыңыздар. Сіздерге ешкім резидентураға автоматты түрде түсесіздер деп уәде берген жоқ. Сондықтан оқу ақысын өтеуге міндеттісіздер. Резидентураға түспес бұрын маман тапшы өңірлерге барып еңбек етуге тиіссіздер. Дәрігерлерді тегін оқытып, өз бетімен қоя беретіндей мемлекеттің қаржысы тасып жатқан жоқ».

Сонымен қатар, министр биыл тіпті, жастарға баспана беру мәселесі де шешілгенін хабарлады. Алайда, студенттер министрдің сөзіне келіспеушілік танытуда. Өздерінікін дұрыс деп есептейтін шәкірттер министр шақырған жиынды тастап кетті. Дарын Ибрагимов есімді студент құқықтары бұзылғанын айтып, министрмен соттасатындарын мәлімдеді:

«Біздің әрі қарайғы мақсатымыз – егер университеттен қуып шықса, әрі қарай соттасамыз. Сотқа барамыз. Біртанов мырза, біз сізбен аяғына дейін күресеміз. Құқықтарымызды бұздыңыз. Егер Біртанов қызметінен кетсе, мынадай заң бұзушылық болмайды».

КТК арнасының хабарлауынша, Елжан Біртановтың айтуынша, тегін оқуға түскендер бұл талапты о баста білген. Бірақ, негізгі мамандығын мемлекет есебінен бітіріп резидентураға ақылы түрде тапсырып қойғандар министрмен келіспей, істі сотқа дейін жеткізбек.

Мүмкін сізді қызықтыратын тақырыптар:

  • Түркістанда «Ұлағатты ұрпақ» жобасының алғашқы кездесуі өтті
  • Дәрігер жан-жақты болу керек
  • Шымкентте аллергияны қайда емдейміз?
  • Маңғыстауда 120 отбасы баспаналы болды
  • «Берекелі баспана» бағдарламасымен жалдамалы пәтер алуға өтінім басталады
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика