Қазақстан президенті Қасым-Жомарт Тоқаевтың Ресей Федерациясына мемлекеттік сапары 13 қарашаға қараған түнде аяқталды, деп хабарлайды Ақордаға сілтеме жасаған Oinet.kz.

Ақорданың хабарлауынша, Қасым-Жомарт Тоқаев пен Владимир Путин жылы қоштасты.

"Внуково әуежайында президент Қасым-Жомарт Тоқаевты Ресей үкіметі төрағасының орынбасары Алексей Оверчук пен басқа да ресми тұлғалар шығарып салды", - делінген Ақорда хабарламасында.

Еске салсақ, бұған дейін президент Қасым-Жомарт Тоқаев Мәскеуге мемлекеттік сапармен барғанын жазған едік. Мемлекет басшысының бортын шекарадан Ресей Қорғаныс министрлігінің Су-35 ұшақтары қарсы алды.

Тоқаев пен Путин Кремльде бейресми кездесу өткізді.

Екі ел президенті келіссөздер қорытындысы бойынша Қазақстан Республикасы мен Ресей Федерациясының мемлекетаралық қарым-қатынасын жан-жақты стратегиялық серіктестік және одақтастық деңгейіне дейін жеткізу жөніндегі декларацияға қол қойды.