Непал билігі әуесқой альпинистерге Эверест (Хомолунгма, 8 848,86 м) шыңына шығуға лицензия беруді тоқтатты, деп жазады Оinet.kz.

 Бұл шешімге ең биік таудың шыңы туристерге толық толып кеткені себеп болып отыр. Олардың арасында танымал блогерлер мен дайындықтары жеткіліксіз туристер де бар.

Оңтүстік Азиядағы елдің туризм департаментінің директоры Химала Гаутама хабарлағандай, Эверестке шығуға рұқсат тек Непалда 7000 метрден асатын кем дегенде бір шыңды бағындырғанын дәлелдеген тұлғаларға беріледі.

— Непал тауларының өзіндік ерекшеліктері мен қиындықтары бар, сондықтан альпинизм тәжірибесі апат қаупін азайтуға көмектеседі, — деді Гаутама.

Осылайша, Непал билігі елдегі бағындыруға болатын 462 шыңның тартымдылығын арттыруға және туристер қауіпсіздігін қамтамасыз етуге ұмтылып отыр.