Балықтар 

Су астында балықтар 

Сазан, шортан, бекіре, 

Неше түрлі балық бар 

Шошытасың секірме.

...

Құстар

Құс ұясын бұзбаңдар, 

Балапанын алмаңдар. 

Құстар біздің досымыз, 

Обалына қалмаңдар.

...

Түлкі туралы тақпақ

Түлкі деген қу ғой,

Жүрген жері шу ғой.

Жатып алып жағада,

Іздегені ду ғой.

...

Түлкі,түлкі құтыңдайсың,

Айналаңнан тың тыңдайсың.

Қанша құлығыңды асырсаңда,

Қасқырдан сен құтылмайсын.

...

Қасқыр туралы тақпақ

Қасқыр орманда жортады,

Аяздан ол қорқады,

Аспанға қарап ұлиды,

Аылда малды ториды.

...

Қасқыр жортар түнменен

Күндес болып күнменен.

Қасқыр жортар сайменен,

Араз болып Айменен.

Қасқыр жортар ойменен,

«Жолықсам,- деп – қойменен.»

...

Қоян туралы тақпақ

Ақ қоян-ау,ақ қоян,

Ұзын құлақ сақ қоян,

Қаша берсең орманға

«Қорқағым» деп ат қоям.

...

Ұзын құлақ, сұр қоян,

Естіп қалып сыбдырды,

Ойлы-қырлы жерлерден,

Ытқып-ытқып секірді.

Қарап еді артына,

Қиығын сап көзінің.

Келе жатқан томпаңдап

Көжегі екен өзінің.

...

Арыстан туралы тақпақ

Мен-мықты арыстан.

Аңдардың патшасы.

Жауымның алысқан

Күл болған қаңқасы.

...

Аю туралы тақпақ

Қорбаңдаған аюдың

Құлпынайы көп екен.

Теріп – теріп аламыз,

Қалтамызға саламыз.

Ормандағы аюдың

Құлпынайы көп екен.

Теріп, теріп алайық

Қалтамызға салайық.

...

Кәрі еменнің түбіне

Бір - біріне үңіле

Айтысуға жиналды

Жан - жануар біріге.

...

Түлкі айтты. Түлкімін

Тұнып тұрған күлкімін

Бұлаң - бұлаң, құйрығым

Текке өтпейді бір күнім.

...

Әй, түлкіжан, мақтанба

Сиқырланып ақталма

Күшіңді сенің көрейін

Қасекең келе жатқанда.

...

Қорқынышты атағым

Қалың қопа жатағым

Қой қораға түсетін

Бар ғой аздап шатағым.

...

Балпаң - балпаң, басамын

Алтын қырдан асамын

Аю деген ағаңмын

Аңшы көрсем қашамын.

...

Мен кірпімін, кірпімін

Көрінбей тұр кірпігім

Балаларға ұнайды

Жүретінім түртіліп.

...

Қайшы құлақ қоянмын

Ақшыл түске боялдым

Сытыр еткен бұтақтан

Елең етіп ояндым.

...

Жолбарыспын жыртқышпын

Бәрінен де мықтымын

Ормандардағы аңдардың

Жайратып салар күштімін.

...

Мен - мықты арыстан.

Аңдардың патшасы.

Жауымның алысқан

Күл болған қаңқасы

...

Бір көргенді білгін

Мен алып пілмін

аспаймын саспаймын

Жамандыққа баспаймын

...

Мен тиінмін, тиінмін

Аңды көрсем бекінем

Талдан - талға секірем.

...

Табиғаттың баласы

Болмас ағы, қарасы

Тындап тұсақ бәрінің

Әңгімесі жарасты.