Арғымақ тектес желесің,

Қалды артта қанша белесің.

Жақын тартып бауырды, 

Бір үзім нанды бөлесің.

Елуге келіп, құлпырдың,

Биіктерге ұмтылдың.

Ағаратын да шағы - осы, 

Қара шашың мен мұртыңның.

Іздемей тегін алтынды,

Сақтай біл осы қалпыңды.

Ұл, қызың өсіп келеді,

Шығарар әлі даңқыңды.

Өмірге берген сертіңіз,

Жетпіс, сексеннен өтіңіз.

Тоқсан мен жүзді еңсеріп,

Қариялыққа жетіңіз.