Абай Құнанбайұлы. Осы қымыз қазаққа

Oinet.kz 29-08-2019 982

Картинки по запросу абай өлеңдері

Осы қымыз қазаққа

Мақтаның ба, асың ба?

Қымызды басар артынан

Ет даяр ма қасыңда?

Бойыңа сіңіп, өрт болған

Қызба бастық жасында.

Қызылшыл семіз, жас қымыз —

Бір үлкен борыш басында.

Жуасты мін де, айран іш,

Жоқ немеге шатылма.

Ұры, залым, қуларға

Нысанаға шаншылма.

Жылқыны аңдып ұры жүр

Әр төбенің тасында.

Ой көзімен қарасаң,

Қойдан жылқы асыл ма?

Мақтанға бола жиям деп,

Жылқы үшін жұртқа бас ұрма

Қымыз, семіз дегенің

Бір мақтан ғой, жасырма.

Мақтан қума, керек қу,

Ойсыздарға қосылма.

Қойныңда ақша, қолда қой

Күзетке оңай, шошынба!

Мұқағали Мақатаев. «Қыздарға»
Абай Құнанбайұлы. Патша құдай, сыйындым
Сәйкес тақырыптар
Көтерілу