Жастардың сүйікті спорттық ойыны баскетболдың қайдан шыққанын білесіз бе? Оны ойлап тапқан америкалық мұғалім Джеймс Нейсмит.  Халықаралық Спрингфилд жаттығу мектебінде ұстаздық еткен ол шәкірттердің қысқы уақытта сабақтан жалығып кетпес үшін олады сергітетін ойынның қажет екенін түсінеді. Осылайша жаттығу залының екі жағына корзина іледі. Өнертапқыш ойынның шартын жасап, допты қолданудың ережелерін жасайды. Нейсмиттің командасы алғашқыда футбол добымен ойнаған. Джеймстің бұл ойыны оқушыларға ұнағаны соншалық бескетбол кейіннен бүкіл әлемге таралып кетті.