Отандық әнші Жігер Ауыпбаев алғаш рет фильмге түсіп, өзін актер ретінде сынап көрді. Алайда алғашқы образы жағымсыз рөл ойнауға мәжбүрледі, деп хабарлайды Oinet.kz тілшісі. 

Жігер Ауыпбаев отандық "Бақыттың кілті" телехикаясына түсті. Аталған картинадағы серігі - Ақбота-Нұр Сейтмағамбет. Өзін алғаш рет актер ретінде сынап көрген Жігер көрермендерге өтінішін білдірді. 

"Халық жек көріп кетпесе екен. Жағымсыз кейіпкерді сомдаймын. Ол да керек болды. Кино әлеміндегі алғашқы қадамдарымның бірі. 

Еліміздің басты арналарының бірінен көрсетілетін телехикая болғандықтан, оған шақырту алудың өзі мен үшін үлкен мәртебе болды. Сондықтан берілген рөлге ешқандай қарсылық танытпай, келісе кеттім", - деді ол "Қазақстан" Ұлттық арнасының "Таңшолпан" бағдарламасына берген сұхбатында.