Түркістанды газдандыру қызу жүріп жатыр

Oinet.kz 15-05-2020

Screenshot_6.png

Түркістан қаласының инфрақұрылымын жақсарту бағытында көптеген оң жұмыстар атқарылуда. Облыс басшылығының тапсырмасына сәйкес, Түркістан қаласын газдандыру бойынша тиісті жұмыстар қызу жүріп жатыр. Бүгінде Отырыр мөлтек ауданы мен ХҚТУ тұрғын үй массиві аумағындағы ГРП-1,2,3 нысандарындағы газға қосылған үйлердің саны 130-ге жетіп отыр. Бұл жұмыстар мөлтек ауданын толығымен газдандырғанға дейін жалғасын табатын болады. Бұл туралы Түркістан облысы әкімдігінің баспасөз қызметі хабарлады. 

Бүгінгі күнге Түркістан қаласында 42 000 тұрғын немесе26% табиғи газбен қамтылған. Қаланы табиғи газбен қамтамасыз ету «Бейнеу-Бозай-Шымкент» магистралды газ құбырынан жүзеге асырылады. Түркістан қаласын газдандыру 11 кезеңмен жүзеге асырылатын болады. Көне шаһардағы жеке үйлер мен көпқабатты тұрғын үйлерді газдандырудың 4-кезеңінің құрылысы 2019 жылы аяқталды. Нәтижесінде қала тұрғындарының 41% табиғи газбен қамтылды.

Ауқымды шаруаның жалғасуына кедергі жоқ. Түркістан қаласын толығымен газдандыру құрылысын 2020 жылдың соңына 100% аяқтау жоспарланып отыр.

Газдандыру жұмыстары облыстың барлық аудан, қалаларында жүргізілуде. Кейбір өңірлерде «көгілдір отынды» пайдаланатын тұрғындардың саны 90 пайыздан асып отыр. 


Вирусологиялық зертхана ашылды
Қазығұртта қауіп сейілді

Сәйкес тақырыптар
Көтерілу
×