"Тоқал" фильміне түскен актриса Жанель Мақажан бірінші некесі не себепті сәтсіз аяқталғанын ашып айтып берді. Өнер иесі шаңырағының шайқалуына ата-енесінің араға түсуі себеп болғанын жасырмады. 

"Менің шыдамымның таусылғаны, күйеуімнің бостығы мен ата-ене. Бірінші тұрмыста енем мейірімге мүлдем сай келмейтін. Жалпы біздің менталитетте келін дегенді адам емес, күң секілді көргісі келетін қаншама ата-ене бар. Өз отбасына жауап бере алмайтын қаншама азаматтар бар. 

Мен сияқты шыдамы таусылып, күң емес, күн екенін түсініп кеткен қаншама қыз-келіншектер бар. Жас отбасының өміріне туыстары араласпаса, қаншама жанұя ажыраспаутын еді. Бірақ, мен өз таңдауымды жасап, кеткеніме еш өкінбеймін", - деп жазды ол Instagram парақшасында. 

Айта кетейік, Жанель Мақажан екінші рет өзінен сегіз жас кіші жігітке күйеуге шыққан.