Шымкентте бір жастағы бүлдіршін тоққа түсіп мерт болды

Oinet.kz 16-08-2022

Шымкент қаласында бір жастағы бүлдіршін тоққа түсіп мерт болды. Бала пештің жанында ойнап жүріп, сымды қолымен ұстап алған, деп хабарлайды Oinet.kz тілшісі Stan.kz ақпарат агенттігіне сілтеме жасап.

Screenshot_17.jpg

Төтенше жағдайлар департаментінің диспетчерлік қызметіне "103" қызметіне 15 тамызда 2021 жылы туған ұл бала электр тогы соғып қайтыс болғаны туралы хабарлама келіп түсті.

Оқиға Қаратау ауданының Нұртас шағын ауданында Құлагер көшесінде жер үйде болған. Үйде ұзартқыш сымға жалғанған электр пеші болған.

“Бала пештің жанында ойнап жүріп, абайсызда қолымен электр сымын ұстап алған. Ол оқиға орнында көз жұмды. Полиция оқиғаның мән-жайын анықтап жатыр”, – деді Шымкент қаласы Төтенше жағдайлар департаментінің баспасөз қызметінде. 

Ведомствоның мәліметінше, тамыз айында қалада электр тоғының әсерінен екі апат болған. Онда 2013 жылы туған қыз зардап шегіп, 2021 жылы туған бала қайтыс болған.

Шымкент қаласының Төтенше жағдайлар департаменті ата-аналарға балаларына баскөз болуға шақырады. Балалардың қауіпті электр қалқандарының, ашық электр сымдарының жанында ойнауына жол бермеу керектігін айтады. Тозған электр сымдарын дер кезінде ауыстырып, сақтық шараларын қолдану керек.

Түркістан: Мұқтаж балаларға мектеп формасын алуға көмек көрсетіледі
Нұр-Сұлтандағы мешітте намаз уақытында ұрлық жасаған ер адам бейнебақылауға түсіп қалған


Сәйкес тақырыптар
Көтерілу
×