Түркістан облысының полицейлері қарт жүргізушіге кептеліп қалған дөңгелегін ауыстыруға көмектесті

Oinet.kz 28-11-2022

Screenshot_2.jpg

Жетісай-Жібек жолы-Сарыағаш тас жолын патрульдеу кезінде Түркістан облысының  патрульдік полиция батальонының қызметкерлері жол жиегінде тұрған "Ауди" маркалы автокөлікті байқады. Содан тәртіп сақшылары жақындап, жүргізушіден қандай да бір көмек қажет пе? деп сұрады.

Қарт адам көліктің  дөңгелегі жарылып, оны өз бетінше ауыстыруға  күші жетпегенін айтты. Сонымен қатар  ауа-райының суық болуына байланысты жүргізушілердің ешқайсысы жол шетіндегі қарияға тоқтамаған. 

Жүргізушінің қиын жағдайға тап болғанынын білген тәртіп сақшылары оған бірден көмек көрсетті. Құрал саймандардың көмегімен полиция көліктің дөңгелегін ауыстырып, әрі қарай жолын  жалғастыруға септігін тигізді.

Автокөлік жүргізушісі полицейлерге көрсеткен қамқорлығы мен көмегі үшін үлкен алғысын білдірді. "Көліктің дөңгелегі жарылды. Мен жолда қалып қойдым. Доңғалақып ауыстырайын десем  кептеліп қалған. Маған көмек көрсеткен полицейлерге рахмет. Оларға жұмыста сәттілік тілеймін!"- деді автокөлік жүргізушісі алғысын білдіріп.

Полицейлердің айтуынша, кезекшілік кезінде жолдарда мұндай жағдайлар жиі кездеседі және олар әрқашан көмекке келуге дайын. Тәртіп сақшылары атап өткендей, олар үшін ең бастысы - жүргізушілер мен жолаушылардың қауіпсіздігі.

Түркістан облысы ПД баспасөз қызметі


Қытайға келін болған Айжан Райымбекова: «Бейжіңде әйелдер тамақ жасамайды, үй жинамайды»
Медицина қызметкерінен 2 миллион теңге ақша бопсалаған күдікті ұсталды

Сәйкес тақырыптар
Көтерілу
×