Мемлекет басшысының жарлығымен Өмірзақ Естайұлы Шөкеев Түркістан облысының әкімі лауазымынан босатылды, деп хабарлайды Ақорда ресми сайтында. 

Президенттің баспасөз қызметінің мәліметінше, Қасым-Жомарт Тоқаев Өмірзақ Шөкеевке аймақ басшысы қызметіндегі көп жылғы жұмысы үшін алғыс айтқан. 

Еске сала кетейік, бұған дейін Өмірзақ Шөкеевтің отставкаға кетуге өтініш бергенін хабарлаған едік. Ол өтінішті 24 тамызда жазған.