«Мені Аллам қарабалшықтан қайта жасап шығарды»: Тамара Асар арбаға таңылған кездерін еске алды

Oinet.kz 02-08-2022 6728

Тамара Асар Жаңақорғанға ем алуға барған. Ол өзінің 20-дан асқан шағында мүгедектер арбасына таңылып, аяқ-қолы қимылсыз қалған кезін еске алды, деп хабарлайды Oinet.kz тілшісі.

Screenshot_3.jpg

"Мені Анам Жаңақорғанға алғаш алып келгенде 20-дан асқан балғын қыз едім. Денсаулығымның жағдайы мәз емес болатын. Өзім арбада отыратынмын, апаттан кейінгі қиындау жағдай былай тұрсын, "ревмотоидный артрит" деген ауру бойыма меңдеп кеткен. Қолым қасық көтере алмайтын, аяғым жер баспақ түгілі, қозғауға келмейтін.

Қиялдайтын санам, сайрайтын тілім, ыңылдайтын көмекейдегі дауысым, жәудіреген көзім ғана үміттің отын сөндірмеді. Түнде ыңырсу, күндіз кіржию. Ауру жаныма қатты бататын. Менің АНАМ мықты адам, мені мүгедектікке бермей күресті! Сұрады! Сенді! Күтті! Амал жасады! Мені сендірді! Маған ауруды жеңдірді! Біреуге өтірік, біреуге шын, арбадан бір аптада түсіп, балдақ ұстадым, келесі аптасында балдақты лақтырып, аяғымды басып жүре бастадым. Содан бері, ЖаңаҚорғанның қасиетті қара балшығы мен суына жыл сайын келемін (Емнен кейінгі күтіну бөлек әңгіме).

Ол күндер көрген түстей. Қаншама жыл өтіпті. Әкемнің төріне келгендей марқайып жылда келем, аяғымды жерге тигізбей күтіп алатын, қоржынымды қыздың дорбасындай толтырып жіберетін, менің екінші "төркінім" ЖАҢАҚОРҒАН сияқты! Қасиетті қара балшық талайды қатарға әлі қосады, мен оған сенемін! Себебі мені Аллам, Тұзды суы араласқан "ҚараБалшықтан" қайта жасап шығарды!

Менің денсаулықтан көрген қиындығымды ешкімге тілемеймін. Ал жанына ауру батып, қиындық көріп, қиналып отырғандарға, мендегі Алла берген талпыныс пен табандылық, ыждағһаттықты тілеймін, әумин. "Бөрі арығын білдірме, сыртқа қарнын қампайтар", - деп жазды әнші Instagram парақшасында.


«Неткен сымбатты»: Жеңіс Ысқақова көпшілікке күйеуін көрсетті (видео)
«Шыдай алмайды екенмін, кете берейінші, деп айтқым келіп тұрды»: 5:32 фильмі туралы актер айтады
Сәйкес тақырыптар
Көтерілу