Түркістан облысында ер адам айыппұл тұрағындағы 8 көлікті өртеп жіберген

Түркістан облысында арам пиғылды азамат Сайрам ауданы Қарасу округіндегі айыппұл тұрағына қойылған көліктерді өртеп жіберді. Бұл туралы polisia.kz сайты хабарлайды.

Screenshot_12.jpg

Өртке қарсы қызмет пультіне өрт жайлы ақпарат таңғы 05:55 шамасында келіп түскен. Қабылданған шаралар арқылы 8 минуттан кейін өрт сөндірушілер өртті ауыздықтап, сағат 06:38-де сөндірген. Қаза тапқандар мен зардап шеккендер жоқ. Төтенше жағдай салдарынан 38 көліктің 8-іне материалдық шығын келді.

Қаскөйдің әрекеті тұрақ аумағындағы бейнебақылау камерасы объективіне түсіп қалған. Бүгінде азаматтың тұлғасы анықталды. Ол жуырда полиция қызметкерлеріне мас күйінде құжатсыз көлік жүргізгені үшін ұсталған Сайрам ауданы Манкент ауылының тұрғыны болып шықты.

Тәртіп бұзушы әкімшілік жауапкершілікке бірінші рет тартылған, автокөлік айыппұл тұрағына қойылған. Ал түнде күдікті дуалдан секіріп кіріп, өз автокөлігін өртеген. Артынша оқиға орнынан таса болған.

Жедел-іздестіру жұмыстары барысында азамат ұсталып, аудандық полиция бөлімі уақытша ұстау изоляторына жіберілді. Ол өз кінәсін мойындаған.

Screenshot_13.jpg

Аталмыш факті бойынша сот алды тергеу жұмыстары Қылмыстық кодекстің 202- бабы 2- бөлімі бойынша (Бөтен адамның мүлкін қасақана жою немесе бүлдіру) жүріп жатыр. Ол бас бостандығынан 7 жылға дейін айыруды қарастырады.

Мүмкін сізді қызықтыратын тақырыптар:

  • «Кеудесіне 4 рет пышақ сұққан»: Алматылық тұрғын тесіліп қарағаны үшін бейтаныс адамды өлтірген
  • Коронавирустан қайтыс болғандар саны 2345 адамға жетті
  • Италияда коронавирус жұқтырған алғашқы адам қайтыс болды
  • Тараз: 13 жасар қыздың асқазанынан 1 келіден асатын шаш алынды
  • 2020 жылы жұмыс істеген аналар үшін қандай көлемде декреттік төлем болады?
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика