Үш рет жедел жәрдем шақырған: Коронавирустан көз жұмған әйелдің туыстары оның өлімі туралы айтты

Oinet.kz 28-03-2020

Коронавирустан көз жұмған Ақмола облысының тұрғыны үйіне үш рет жедел жәрдем шақырған,  деп хабарлайды Oinet.kz сайты Stan.kz порталына сілтеме жасап.

news_full15853270414554817df718a7fa1cd62cf89f148a6b.jpg

Әлеуметтік желілерде тараған видео оронавирустан көз жұмған 64 жастағы әйелді құтқарып қалуға болар ма еді деген сұрақтың ұшын шығарды. Өйткені, ол кісі 25-і күні дүние салмас бұрын, үйіне үш қайтара жедел жәрдем шақыртқан. Әйелді тек үшінші рет шақырғанда ғана ауруханаға әкеткен. Оған дейін дәрігерлер жедел респираторлық инфекция деп айтып, қалдырып кеткен.

"Бірінші рет 22 наурызда жедел жәрдем шақыртылды. Жедел жәрдем келді, тыңдады, емханаға жүгіну керектігін айтты. Емханаға бардық, емханада укол тағайындады - цефтриаксон. Жүрегін тексерді, кардиограмма жасады. "Қалыпты, жүрегі жақсы, жата беріңіз, өлмейсіз" деді. Кетіп қалды. Бір жарым тәуліктен соң жағдайы тағы қиындады. Бес сағаттан кейін. Жедел жәрдемді үшінші рет шақырттық. Келді. Жөні түзу жігіт келді, бәрін өлшеді, сосын бірден көлікке салып, ауруханаға алып кетті", - дейді ер адам.

Белгілі болғандай, әйел емханаға вирусты жұқтырған кезде барған.

Бұл ретте, облыстық денсаулық сақтау басқармасы енді мұндай жайттарға аса сақтықпен қарайтынын айтты.

Әйел шетелге шықпаған. Дегенмен ол Алматы және Шу қалаларына құдалыққа барған. 

Ал науқас әйелмен байланыста болған кісілердің барлығы медицина қызметкерлерімен қоса қоғамнан оқшауланған.

Бұған дейін әйелдің алғашқы сынамасы теріс болғаны хабарланды. 

Алматыдағы ауруханадан коронавирус жұқтырған тағы бір азамат емделіп шықты
Жазғы лагерьдегі жәбірлеу: Ақтөбеде студент 10 жылға сотталды
Сәйкес тақырыптар
Көтерілу
×