Ақтөбеде 3 жасар бала тірідей жанып кетті

Oinet.kz 18-06-2021

Ақтөбе облысында 3 жасар бала аулада тұрған көлік ішінде тірідей жанып кетті. Жанында болған 7 жастағы ағасын өртке оранған автомобильдің ішінен алып шыққанымен, дәрігерлер аман алып қала алмады. Денесінің 80 пайызын күйік шалған ер бала да есін жимастан түнде аудандық ауруханада мерт болған. Ер балалар отбасындағы төрт баланың ортаншысы мен кенжесі болған, деп хабарлайды Oinet.kz "Еуразия" бірінші арнасына сілтеме жасап.

Ақтөбе.jpg

- Қаладан медициналық авиация, құрамында реаниматоог, комбустиолог, травматолог дәрігерлер жіберілді. Барлық қажетті медициналық ем жасалды, бірақ, өкінішке орай көрсетілген емнің нәтижесі болмай, бала қайтыс болды. Тыныс алу жолдары, барлығын күйік шалған - деді Облыстық денсаулық сақтау басқармасы басшысының орынбасары Айгүл Күштаева.

Қайғылы жағдай Әйтеке би ауданының Еңбек ту ауылында болды. Ағалы-інілі балалар аулада жүрмей тұрған жеңіл көлікте ойнап отырған. Сол сәтте көлік өртенген. Тілсіз жаудың неден шыққанын мамандар анықтап жатыр. Облыстық төтенше жағдайлар департаменті ата-аналарға балаларды қараусыз қалдырмай, бас-көз болуды ескертеді.

- Аулада тұрған ескі машина өртенген. Екінші бала біздің қызметкелер келген кезде машинаның сыртында болды. Өзі шыққан немесе туыстары шығарған - деді облыстық ТЖД басқарма басшысының орынбасары Нұрхат Қалдыбаев. 

Денсаулық сақтау министрлігі аппаратына жаңа басшы тағайындалды
«Ей, деме» - депутаттар төбелесіп қала жаздады (видео)


Сәйкес тақырыптар
Көтерілу
×