Шетелден келгендер жіті қадағалануда

Oinet.kz 02-04-2020 602


52699780_303.jpg

Түркістан облысында коронавирустық инфекция тіркелген басқа елдерден келген 51 азамат категориялар бойынша медициналық бақылауға алынды. Бұл туралы Түркістан облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрбек Нышанов мәлім етті.

Өңірде індет жұқтырудың бес жағдайы тіркелді. Сондықтан сақтық шараларын күшейту қолға алынуда. Әсіресе, шетелден келгендер жіті қадағалануда. 

– Түркістан облысына 1А категориялы мемлекеттер – Германиядан – 318,  Индиядан – 10, Италиядан – 2, сонымен қатар Франция, Испания, Біріккен араб әкімрліктерінің бір-бір адамынан бар. Ал, 1Б категориясымен 33 адам бақылауға алынған. Олардың 24-і Оңтүстік Кореядан, 2-еуі Нидерландыдан болса, Литва, АҚШ, Англия, Украина, Польша, Чехия елдерінің әрқайсысының бір-бірден азаматтары бар.  Бұдан бөлек, өзекті рейстер бойынша науқастармен қарым-қатынаста болған 8 азамат анықталып, COVID-19-ға тексерілді. Бір қуанарлығы – зерттеу нәтижелері теріс болып шықты, – деді Түркістан облысының бас санитар дәрігері. 

Сонымен қатар, Алматы мен Нұр-Сұлтан қалаларынан «ЖРВИ» клиникалық белгілерімен келген 16 азамат стационарларға жатқызылып, лабораториялық тексеруден өткізілген. Бүгінге дейін стационарлардан шығарылған азаматтар саны 38-ге жетіп отыр. 

Облыстық зертхана керекті диагностикалау тест-системалармен және арнайы тасымалдау құралдарымен қамтамасыз етілген. Бүгінгі күні облысымызда тест-системаның 12 данасы бар. Әр дана 40-45 сынама зерттеуге арналған. Түркістанға Шымкент қаласынан «КаМАЗ» шассиіндегі жылжымалы зертхана әкеліп орнатылған.


«Қамқорлық» аясында тегін азық-түлік таратылды
Қолды сабынмен мұқият жуудың маңызы зор
Сәйкес тақырыптар
Көтерілу