Туристер енді кілем өндірісімен таныса алады

Oinet.kz 30-08-2023

image.png

Шымкент –  тарихы бай, қайталанбас табиғаты  бар, көрікті жерлері көп,  тағамдары дәмді, халқы ерекше қала. Қазақстанның  жылы және қонақжай қаласына  талғампаз  деген туристтің өзі қайта  оралғысы келіп тұратыны сөзсіз. 

Қала билігі жыл сайын жаңа туристік бағыттарды дамытуда. Олардың ішінде гастрономиялық, емдік, қасиетті және экологиялық туризм ерекше орын алады. Өткен жылдан бастап бұл тізімге өнеркәсіп саласы да қосылды. Мегаполистегі ең ірі кілем фабрикаларының бірі кілем өндірісі туралы көбірек білгісі келетін және бірегей бұйымдардың қалай жасалатынын өз көзімен көргісі келетін туристерге есігін айқара ашты.

Бүгінде Шымкентте 150-ге жуық орналастыру орындары, 9 саябақ, 7 мұражай, 25 әлеуметтік-мәдени нысан, 5 театр, 12 киелі орын, 11 сауда және ойын-сауық орталығы, 5 діни нысан, 18 аквапарк және 4 табиғи су көзі бар.

Сонымен қатар, қала билігі туризмді дамытудың арнайы тұжырымдамасын әзірледі. Оған сәйкес, олар төрт жыл ішінде қалаға миллионға жуық турист тартуды жоспарлап отыр.

Туристерге көмектесу үшін Шымкентте туристік ақпараттық орталық жұмыс істейді. Мұнда ақпараттық қызметтерді алуға және қызықты тур маршрутын құруға болады.

«Шымкент – ерекше көрікті жерлер шоғырланған көне қала. Бүгінде туристерді тартудың көптеген артықшылықтары бар. Сонымен қатар, мегаполис бір орында тұрмайды, ол жыл сайын дамып келеді, бұл туристер үшін жаңа орындарды анықтайды. Жұмыс бірнеше бағытта жүріп жатыр. Оның үстіне туризм саласына мемлекет тарапынан жасалып жатқан қолдаудың арқасында бұл бағытта жұмыс істеуге мүдделі жергілікті кәсіпкерлер көбейіп келеді. Ішкі және келу туризмі бойынша туроператорлардың саны жыл сайын артып келеді, бұл қалаға барғысы келетіндер үшін жаңа ұсыныстар жасауға мүмкіндік береді»,-  деді қала әкімі Мұрат Әйтенов.


Медицинаны дамытуға үлес қосқысы келетін инвесторлар көп
​Қала жастары экологиялық акцияға белсенді қатысты
Сәйкес тақырыптар
Көтерілу