Қазақстанда 2025 жылдың қаңтар-қыркүйек айларында пневматикалық резеңке шиналар өндірісі 2024 жылдың сәйкес кезеңімен салыстырғанда 4,6 есе артты.

Аталған кезеңде қазақстандық кәсіпорындар 418,4 мың дана өнім шығарды, ал 2024 жылы 90 мың дана шина өндірілген болатын.

Сонымен қатар, осы кезеңдегі импорт көлемі 5,4 млн дананы құрап, шетелден әкелінген шиналардың саны 11,4% өсті. Ішкі нарықтағы импорттық өнімнің үлесі 92,8% жетеді.

2025 жылдың тоғыз айының қорытындысы бойынша ішкі нарықта 5,3 млн дана пневматикалық резеңке шина сатылды.