Түркістан: «Адалдық елшілері» жобасының ерікті жастары басқосты

Oinet.kz 01-11-2019 987

Screenshot_1.jpg

Ағымдағы  жылдың сәуір айында  «Түркістан – Адалдық алаңы»  жобалық  кеңсесі  аясында алғаш рет облысқа қарасты  барлық  қала, аудандардың ерікті жастарынан  «Адалдық елшілері»  жобасы құрылған болатын.

Осыған орай, бүгін ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің бастамасымен   адалдық құндылығын  қалыптастыруға бағытталған жобаның белсенді жастарымен ашық кездесу өтті.

Кездесудің негізгі мақсаты -  қоғамда ашықтық пен әділдікті насихаттаудың үздік жолдарын қарастыру, жобалық кеңсенің жұмысын белгіленген межемен жүргізу мақсатында  бірқатар ұсыныс, пікірлер алмасу және аталмыш жоба  мүшелеріне жыл соңына дейін қала, аудандарда атқаратын жұмыс жоспарын таныстыру.

Шара барысында «Түркістан – Адалдық алаңы» жобалық кеңсесінің жетекші маманы  Ақтөре Талғатұлы жобалық кеңсенің жұмыс барысын кеңірек баяндап, тұрмыстық жемқорлықты жоюға бағытталған шаралардың қоғам дертінің алдын алуда айрықша маңызға ие екендігін жеткізді. 

Screenshot_2.jpg

Сондай-ақ, сыбайлас жемқорлықпен қарқынды күрес жүргізу бойынша атқарылатын ауқымды жұмыстарды жіті түсіндіріп, ерікті жастарды  біріге жұмыс істеуге шақырды. 

Кездесуде ел жастары әлеуметтік індетті жоюға бағытталған креативті ұсыныстарын ортаға салып, азаматтық биік ұстанымдарын айрықша таныта білді.  

 Шара соңында облысымыздың партиот жастары өзара пікір алмасып, алдағы уақыттағы жұмыстардың өзектілігін талқыға салды.

Альварес пен Ковалев жекпе-жегінің гонарары белгілі болды
4 қараша күні Түркістанда «Дәмді Түркістан» фестивалі өтеді
Сәйкес тақырыптар
Көтерілу