Орта салмақта WBA тұжырымы бойынша уақытша әлем чемпионы, ұлыбританиялық кіші-Крис Юбенк IBF және IBO титулдарына ие қазақстандық Геннадий Головкинмен жекпе-жекке шығуға ниетті екенін мәлімдеді, деп хабарлайды Oinet.kz тілшісі Vesti басылымына сілтеме жасап.

- Геннадий Головкиннің әлеуетті қарсыластары жоқ. Ол бұрыштағы тышқан тәрізді. Титулды қорғау керек. Мұнда сұрақ туындайды. Жанкүйерлер оның қарсыласы ретінде кімді көргісі келеді? Кімге қарсы шықса, ол ең көп сыйақы алады? Дұрыс, бұл - мен! Мен бірінші титулды аламын, кейін онымен жекпе-жекке шығамын, - деді Юбенк TalkSport-қа берген сұхбатында.