Маһрге өте қымбат нәрсе сұраған қалыңдығын жігіті тастап кетті

Oinet.kz 18-09-2022 4876

Screenshot_6.jpg

Оқиғаны іздемеймін, оқиға мені іздеп табады. Бүгін тойға дайындалып отырғам. Қыз жағынан баруым керектін. Қыздың шешесі қырық жылғы сыйласым еді. Қыздарым келеді деп бәлішке қамыр ашытып жатсам, звондайды. Еңіреп тұр. Зәрем қалмады. Сөйтсем, кеше қыз бен күйеу мешітке некеге тұруға барады. Әлігі махрге қыз қарап отырмай ең қымбат (маркасын айтып еді, ұмытып қалдым) машинаны сұрапты. Өткенде  болашақ күйеубаласымен бірге той қамымен жүргенде кездейсоқ ұшырасып қап, бірбеткейлеу жігіт екенін байқап қалғам. Болашақ жары ең қымбат машина сұрағанына шарт еткен күйеу бала үнсіз орнынан тұрып, “той болмайды!” депті де, ешкімге қарамай кетіп қалыпты?! Бір досы машинаға мініп үлгеріпті. 

Қасындағы досы арқылы қыздың “ойнап айттым” дегенін естіп, “құдайдың үйінде ойнайтын қатын керек емес!” деп, шорт кесіпті. Екі ортада тойға шашылған шеше еңіреп тұр. Күйеу жақтағы құдағимен хабарласса “Балам бетбақтырмайды. Біз жақ та да той болмайтынын жарияладық. Баламыз Астанаға кетіп қапты. (жігіт Астанада жұмыс істейді) Қызыңыз өзінен көрсін” депті. Жұбатарға сөзім жоқ?! “Сәке, қыз тумадым деп өкінбе. Мисыз қыздың барынан - жоғы. Ел-жұртқа масқара болдым. Қалталы, ақылды күйеуді құдай берудей-ақ беріп еді, қыз ақымақ болса қиын екен” деп, тойдың болмайтынын айтты. Кенжесі болған соң бетінен қақпай өсіріп еді, байдан қайтқаннан ауыр жайтқа ұшырағанын айтсаңшы?.. Тойдың болмай қалуы… Некеде отырып, мынадай күйге ұшырау деген жақсы емес әрине. 

Біздің кезімізде еш махер-сахерсіз-ақ неке қиып, пәтер жағалап жүріп-ақ бала туып, үйлі боп ек.. Арабтың салтын сонша әспеттегеннен не шықты енді? Қай күні ғана Инкрузеске баратынымды естіп, “осы қыздан аман-есен құтылсам, сізбен бірге саяхатқа шығам” деп мәз боп тұр еді. Тәрбие көрмеген дейін десең, әке-шешесі зиялы жандар. Екі қыз, екі ұлын үйлендірген, жағдайы жақсы, ағацын-туғанға сыйлы, жайқалған әулет. Мисыз қызды қойшы, шешесіне жаным ашып отыр. 

p.s. Машина есіме түсті - Хаммер деген марканы айтыпты. Өзіне 25 жасқа толғанда екі ағасы мен әкесі салоннан Ланд Крузер сыйлаған. Жасы 28-де. Мисыз болам десе жасқа қарамайды екен де?

Күйеу бала да джиппен жүрген. Сырға саларда бриллянт сырға мен колье салғанда, аузымыз ашылып қалған. Астанада жер үйі, коттедж, мықты бизнесі бар дейлі.

Сая Қасымбектің Facebook парақшасынан

Мешіттегі молдаларды қылмыстық жауапкершілікке тарту керек
Маһрге нан сұраған келіншек елді таң қалдырды
Сәйкес тақырыптар
Көтерілу