Атырауда полиция басқармасының жаңа басшысы тағайындалды. Бұл лауазымға бұған дейін Жаңаөзен полициясын басқарған полковник Айдар Қасанов келді.

Кадрлық ауыс-түйіс туралы ақпаратты Атырау облыстық Полиция департаментінің баспасөз қызметі растады.

"Ішкі істер министрінің бұйрығымен Айдар Қасанов Атырау полиция басқармасының бастығы болып тағайындалды. Ол 20 сәуірден бастап өз міндетіне кірісті", - деді ПД өкілі.

Еске салайық, бұған дейін Атырау полиция басқармасының бұрынғы бастығы Бақтыбек Исаев ішкі істер органдарынан теріс себептермен шығарылып, тергеу изоляторына қамалды.