Халықтың басым бөлігі ежелден мал шаруашылығы және егін шаруашылығымен айналысатын Сауран ауданында соңғы жылдары ауыл шаруашылығының жаңа салалары қарқынды дамып, қосымша табыс көзіне айналып келеді. Соның бірі – жылыжай шаруашылығы.

Бүгінде шаруалар азғантай жер телімін де тиімді пайдаланып, лайықты өнім алып, тұрақты табыс әкелетінін іс жүзінде дәлелдеуде. Мәселен, Сауран ауданына қарасты Шорнақ ауылдық округінде орналасқан «Мухитдинов» шаруа қожалығы экологиялық таза құлпынай өсіру ісін табысты жүргізіп келеді. Жеке кәсіпкер Алымжан Мухитдиновтың бастамасымен іске қосылған жылыжай кешені жылына 10 тоннадан астам өнім беруде.

Екі жылдан бері жақсы жұмыс істеп тұрғанына жылыжайдың жалпы көлемі 0,7 гектар аумақты құрайды. Оған салынған инвестиция 300 миллион теңге. Бүгінгі күні кәсіпкер заманауи құрал-жабдықтармен жабдықталған жылыжайда құлпынай өнімдері ешқандай химиялық тыңайтқышсыз, тамшылатып суару әдісі арқылы табиғи жолмен өсірілуде. Кәсіпкердің айтуынша, өнім адам ағзасына қажетті дәрумендерге бай әрі дәмді.

– Біз өсіріп отырған құлпынайдың сапасы өте жоғары. Пестицидтерді мүлдем қолданбаймыз. Табиғи жолмен өсірілген өнімімізге сұраныс жоғары, – дейді шаруа қожалығының иесі Алымжан Мухитдинов.

Бүгінгі күні жылыжайда 10 азамат еңбек етуде. Қожалық иесінің айтуынша өнімділік 1 жыл ішінде кемінде 10 тонна өнім береді. Жылыжайда құлпынайлар ешқандай химиялық тыңайтқышсыз, табиғи жолмен өсірілуде. Құлпынайдың бұл түрі өнімділігімен, яғни, бір маусымда бірнеше рет гүлдеп, өнім беретіндігімен ерекшеленеді.

 Кәсіпкердің тынымсыз еңбек пен табандылықтың арқасында өсірілген өнім табиғилығымен, жоғары сапасымен, тамаша дәмімен ерекшеленеді. Жалпы жылыжай шаруашылығы – бұл отбасының әл-ауқатын жақсарту ғана емес, сонымен қатар ауыл тұрғындарын сапалы, органикалық көкөністермен қамтамасыз етудің тиімді жолы. Органикалық өнімге сұраныстың артуы жағдайында мұндай күш-жігердің маңыздылығын асыра бағалау қиын.

Алымжан Мухитдиновтың жұмысы – ауылда бола тұрып, жеке кәсіп ашып, жерді бағалап, адал еңбекпен табысқа жетуге болатынының айқын дәлелі. Мұндай бастамалар ауыл экономикасының дамуына тың серпін беріп, өзгелерге үлгі-өнеге.

Біз білетіндей, кез келген ұлы бастама арманнан басталады. Алымжан Мухитдинов отбасымен ойласа келе табыс тауып қана қоймай, пайдасын тигізетін кәсіп ашуға бел буды. Сөйтіп жылыжай құру идеясы туған еді. Құрылыста үлкен тәжірибесі бар ол жобаны өз бетінше әзірлеп, барлық есеп-қисаптарды аяқтап, жұмысқа кірісті. Бірнеше айдың ішінде жылыжай өзінің алғашқы нәтижелерін бере бастады.

– Біздің жоспарларымыз өте ауқымды. Көкөніс шаруашылығын ғана емес, жеміс-жидек өндірісін де дамытқымыз келеді, кейіннен нарыққа шығамыз. Мемлекет тарапынан қолдау табылса біз кеңейтуге қосымша мүмкіндіктерге ие боламыз. Заманауи технологияларды енгізу ерекше маңызды – бұл дамуға айтарлықтай серпін берер еді, – дейді кәсіпкер.

Ауыл шаруашылығы нысаны бір маусымда бірнеше рет өнім беретін құлпынайдың өнімділігімен ерекшеленеді. Қазіргі таңда жиналған өнім негізінен Түркістан қаласы мен аудан тұрғындарына сатылып жатыр. Алымжан Мухитдинов алдағы уақытта жылыжай көлемін екі есе ұлғайту жоспарын жасап отыр. Бұл өз кезегінде құлпынай өндірісін арттырып, өңір тұрғындары үшін жаңа жұмыс орындарын ашуға септігін тигізеді. Сонымен қатар, ауыл шаруашылығындағы осындай заманауи және экологиялық таза жобалар өңірдің агроөнеркәсіп саласын жаңғыртып, экономикасын нығайтуға мүмкіндік береді.

Жылыжайдағы инновациялық тәсілдердің арқасында суды үнемдеу және қоршаған ортаға зиян келтірмеу мақсатында тиімді технологиялар қолданылады. Тамшылатып суғару әдісі өсімдіктерге қажетті суды дәл мөлшерде жеткізіп, су ресурстарын үнемдейді, бұл әсіресе құрғақ климатты өңірлер үшін өте маңызды.

Сонымен қатар, «Мухитдинов» шаруа қожалығы жергілікті нарыққа ғана емес, алдағы уақытта аймақтан тыс жерлерге де таза әрі сапалы өнім экспорттауды мақсат етіп отыр. Бұл Түркістан облысының агроөнеркәсіп саласын дамытуға, ауыл шаруашылығы өнімдерінің экспорттық әлеуетін арттыруға оң әсерін тигізеді.

Бұл жылыжай жобасы — Сауран ауданының ауыл шаруашылығын әртараптандыру, өнім сапасын арттыру және экологиялық таза технологияларды енгізу бағытындағы маңызды қадамдарының бірі. Мұндай жобалардың көптеп жүзеге асырылуы өңірдің тұрақты даму стратегиясына сай келеді.