Шымкент қаласының кәсіпкерлері бүгінгі таңда Рессей Федерациясының Екатеринбург қаласында өтіп жатқан индустрияландыру саласындағы ең басты шарасы - «ИННОПРОМ» XIII Халықаралық өнеркәсіптік көрмесіне қатысуда. Ол көрмеге Шымкент қаласынан 7-і кәсіпорын қатысып, өз тауарларын көрші ел нарығына ұсынуда. 

«Тұрақты өндіріс: Жаңарту стратегиялары» атты тақырып аясында ұйымдастырылған іс-шараға Қазақстаннан бөлек, 2015-2022 жылдары әріптес болған Италия, Үндістан, Қытай, Түркия, Оңтүстік Корея елдері қатысуда. Осы жылы серіктес ел Беларусь Республикасы болып табылады. Көрмеде серіктес елдің және Тәжікстанның ұлттық экспозициялары ұсынылады, сондай-ақ ресейлік және шетелдік компаниялардың стендтері қойылған. 

Іс-шараның іскерлік бағдарламасы шеңберінде «Ресей - Орталық Азия» іскерлік форумын және «АвтоВАЗ», «Газпромнефть», «Россети», «Сибур», «СТТ», «Джевмаш», «Металлоинвест», «Северсталь», «УЗГА» және тағы басқа ірі кәсіпорындардың қатысуымен компоненттер өндірушілерінің форумын өткізу жоспарлануда.

Иннопроммен қатар көрме кешенінде 7-ші Ресей-Қытай ЭКСПО өтеді, оған 190 компанияның 2000-нан астам өкілінің қатысады. Олардың арасында қытайдың ірі мемлекеттік және жеке өнеркәсіптік холдингтері мен орта Инновациялық компаниялары бар.

Көрмеде Ресейдің, Қазақстанның және басқа шет елдердің сауда-өнеркәсіптік және инвестициялық әлеуеті, сондай-ақ көлік машина жасау, металл өңдеу, цифрлық өндіріс, өнеркәсіптік IT, энергетикаға арналған технологиялар, автоматтандыру, робототехника және басқа салалардағы аса маңызды жобалар ұсынылатын ауқымды экспозицияны ұйымдастырылды.

Іскерлік бағдарлама шамамен 50-ден астам іс-шараны қамтиды. 

Қазақстандық ұлттық экспозицияның ауданы 900 шаршы метрді құрап, 200-ден аса отандық кәсіпорындар ұсынылды. Оның ішінде Шымкент қаласынан аталған көрмеге 7 кәсіпорын қатысып өз өнімін ұысынды. Көрмеде Шымкенттік  «Mega SMART» ЖШС, «Шымкай» жауапкершілігі шектеулі серіктестігі жиһаз, «QazAlPack» ЖШС - алюмин банкілер,  «БалТекстиль» ЖШС - кілем, «KASPY GROUP» ЖШС – мұнара крандары, «KazFerroGroup» ЖШС – ферроқорытпа өндірісі тауарларын қойылған. Отандық өндірістегі бұл серіктестіктердің тауарына ресей мен басқа да шет мемлекеттердің өкілдері қызығушылық танытып, әріптестік байланыс орнату үшін келіссөздер жасасты.